प्रगत होत असलेल्या तंत्रज्ञानामुळं आपलं जीवन सुसह्य होत आहे पण त्यामुळं आधी नसलेल्या अनेक नवीन गोष्टी, समस्या सुद्धा निर्माण होत आहेतच - याची चर्चा या लेखात.

आज आपली जीवनशैली फारच गुंतागुंतीची आणि व्यस्त झालेली आहे. त्यातचं कोरोना नंतर जवळपास प्रत्येकजण घरून काम करत असल्यामुळे स्वतःसाठी थोडासाही वेळ काढणं जमतच नाही. सतत कामाचं टेन्शन, लागोपाठ असलेल्या मिटींग्स हि सध्या प्रत्येकाच्या घरात दिसणारी सामान्य परिस्थिती आहे. हे व्यस्त वेळापत्रक आणि मल्टीटास्किंगमुळे आपल्यात तणाव निर्माण होतो आणि आपल्या उत्पादनक्षमतेवरही परिणाम होतोय.