संत तुकारामांच्या सर्वोत्तम रचना
वृक्ष वल्ली आह्मां सोयरीं वनचरें ।
पक्षी ही सुस्वरें आळविती ॥1॥
येणें सुखें रुचे एकांताचा वास ।
नाहीं गुण दोष अंगा येत ॥ध्रु.॥आकाश मंडप पृथुवी आसन ।
रमे तेथें मन क्रीडा करी ॥2॥
येणें सुखें रुचे एकांताचा वास ।
नाहीं गुण दोष अंगा येत ॥ध्रु.॥कंथाकुमंडलु देहउपचारा ।
जाणवितो वारा अवश्वरु॥3॥
येणें सुखें रुचे एकांताचा वास ।
नाहीं गुण दोष अंगा येत ॥ध्रु.॥हरिकथा भोजन परवडी विस्तार ।
करोनि प्रकार सेवूं रुची ॥4॥
येणें सुखें रुचे एकांताचा वास ।
नाहीं गुण दोष अंगा येत ॥ध्रु.॥तुका ह्मणे होय मनासी संवाद ।
आपुला चि वाद आपणांसी ॥5॥
येणें सुखें रुचे एकांताचा वास ।
नाहीं गुण दोष अंगा येत ॥ध्रु.॥